मध्यपुर थिमि
साउन -३१ -२०८२
आज बाट पुन नीलबाराही बचाउ अभियान अन्तर्गत पहिरो नियन्त्रणका लागि श्रमदान अभियान सुचारु भएको छ । निल बाराही मन्दिर तथा बनक्षेत्र संरक्षण समितिको अवाहानामा हुँदै आएको श्रमदान कार्यक्रम बोदेको प्रशिद्द एतिहासिक तथा धार्मिक तान्त्रिक नाच निल बाराही नाच अवधिभर स्थगित गरिएको थियो । निल बाराही नाच अवधिभर बोदे तथा टिगन क्षेत्रमा खेतबारीमा काम गर्न नहुने जनविश्वास रहेकाले समितिले नाच अबधिभर श्रमदान कार्यक्रम स्थगित गरिएको थियो । स्थानीय सरकार तथा सरोकारवाला निकायले बिगत १० बर्ष देखि पहिरो नियन्त्रण गर्न कुनै ठोस कदम नचालेको भन्दै संरक्षण समितिको अगुवाइमा हाल श्रमदान हुँदै आएको छ । अभियानले भक्तजन मार्फत आर्थिक, भौतिक र नैतिक समर्थनको आवाहन गर्दै श्रमबारका रुपमा हप्ताको ३ दिन श्रमदान तथा अन्य दिनहरुमा स्थानीयको अगुवाइमा श्रमदान हुँदै आएको छ । हाल सम्म काठमाण्डौ ,भक्तपुर र ललितपूराका बिभिन्न स्थानहरु बाट ५० हजार जना भन्दा बढीले श्रमदान गर्दै आएको बताएको छ भने अहिलेसम्म १ करोड भन्दा बढी रकम सहयोग प्राप्त गरि सकेको छ । श्रमदाताहरुले श्रमका अलावा बिभिन्न्बिभिन्न जिन्सी सामान तथा औजारहरु पनि सहयोग प्रदान गर्दै आएका छन ।
