अमेरीकामा पनि कोरोना भाईरसको नंया भेरियन्ट ओमिकोन देखिएको छ । बुधबार अमेरिकाको क्यालिफोर्नियामा उक्त भेरिन्ट भेटीएको अमेरिकाका स्वास्थ्य अधिकारी हरूले बताएका छन ।
२२ नोभेम्बरमा दक्षिण अफ्रिकाबाट आएका एक जना व्यक्तिमा सो भेरियन्ट देखिएको जानकारी क्यालिफोर्नियाको स्वास्थ्य विभागका अधिकारीहरूले बुधबार दिएका हुन् ।
परीक्षणमा कोरोना पोजेटिभ देखिएपछि युनिभर्सीटी अफ क्यालिफोर्नियामा थप परीक्षण गरिएको थियो । यसबाट उनको कोरोना भाइरसको नयाँ अर्थात् पछिल्लो घातक भेरियन्ट भनिएको ओमिक्रोन पत्ता लागेको बताइएको छ ।
अमेरिकाको सेन्टर फर डिजीज कन्ट्रोल एण्ड प्रिभेन्सनले क्यालिफोर्नियामा बुधबार देखा परेको यो नै अमेरिकामा देखिएको ओमिक्रोनको पहिलो संक्रमण भएको पुष्टि गरेको पनि समाचारमा जनाइएको छ ।
अघिल्लो हप्ता दक्षिण अफ्रिकामा पत्ता लागेको यो भाइरस विश्वका कैयौँ देशमा भेटिइसकेको छ ।
