- साफ च्याम्पियनसिप फुटबल खेलमा नेपाललाई भारतले हराएको छ । १ – ० को गोल अन्तरले नेपाल भारत संग पराजित हुन पुगेको हो । माल्दिन्सको राष्ट्रिय रंगशालामा भएको खेलमा पहिलो हाफमा गोल रहित बराबरी भएपनि दोस्रो हाफमा भने ८२ औ मिनेटमा कप्तान सुनिल क्षेत्रिको गोलले भारतले अग्रता लिएको छ । फारुख चौधरीले हेड मार्फत पास गरेको बललाई क्षेत्रिले गोलमा परिनत गरेको हो । श्रीलंका र बंगालादेशले बराबरीमा रोकेको भारतले भने नेपाल संगको खेलबाट साफ च्याम्पियनसिपमा पहिलो जितको स्वाद चाखेका छन ।
खेलको अधिकांश समय नेपालले पूर्णत: रक्षात्मक भएर खेलेको थियो । खेलको १८ औं मिनेटमा सुनील क्षेत्रीले नेपालको पेनाल्टी एरियामा दबाब सिर्जना गरे पनि त्यो निर्णायक प्रतिफल निस्केन । लगतै कर्नरमा सुनीलको हेड प्रहार पोस्टको माथिबाट बाहिरियो । यस्तै ४२ औं मिनेटमा भारतका मनवीर सिंहले नेपालको पोस्ट नजिकबाट मौका पाए पनि त्यसको फाइदा उठाउन सकेन ।
यससंगै ६ अंकका साथ माल्दिन्स माथिल्लो स्थानमा रहेको छ।
