असोज – ३० -मध्यपुर लिग फुटबल प्रतियोगिता अन्तरगत आईतबार सम्पन्न भएको २० औं खेलमा वडा न ५ द्वारा वडा न ९ पराजित भएको छ । वडा न ५ द्वारा वडा न ९ लाई ३ – ० को गोल अन्तरले पराजित गरेको हो । वडा न ५ का फरवार्ड जर्शी न ११ का नबीन कुटुले खेलको ११ औ मिनेटमा पहिलो गोल गरी टिमलाई अग्रता दिलाएका थिए भने खेलको ७८ मिनेटमा जर्शी न २ का डिफेन्डर सुदर्शन श्रेष्ठले पेनाल्टी सुट मार्फट गोल गरी वडा ५ लाई अग्रता दिलाए । खेलको अन्तिममा वडा न ९ बिरुद्ध वडा ५ का जर्शी न २० का डिफेन्डर प्रफुल श्रेष्ठले गोल गरी वडा ५ जित दिलाएका थिए । खेलमा वडा न ९ का रोनीश धेके राजबाहक र यमन राजबाहकले पंहेलो कार्ड पाएका छन भने वडा न ५ का राज प्रजापति र सृजन प्रजापतिले पंहेला कार्ड प्राप्त गरेका छन । वडा न ५ का गोलकिपर सरीन नापित म्यान अफ दि म्याच घोषित भएका छन ।
