भदौ – १८ नेवा दे या दबुः को २८ औं बार्षिक उत्सबको अवशरमा आयोजित कार्यक्रममा मध्यपुर थिमिका सांस्कृतिक धरोहर तथा नेपाल भाषा , साहित्य र संस्कृति रक्षक एवंम नेवाः ईतिहास परम्पराका ज्ञाता गणेशराम लाछी यस बर्षको नारायणदेवी तीर्थ समाजसेवा पुरस्कार बाट सम्मानित हुनुभएको छ । नगद रु १ लाख पुरस्कार राशी रहेको उक्त पुरस्कार नेपाल भाषा संस्कृति सेवी गणेशराम लाछिलाई नेपाल भाषा, साहित्य, कला संस्कृति र रितिरिवाज संरक्षणमा उहांले पुर्याउनु भएको योगदानको कदर गदै उक्त पुरस्कार प्रदान गरीएको बताईएको छ । पुरस्कार प्राप्त गरी सके पश्चात मध्यपुर डायरी संबाददाता संगको कुराकानीमा उहाले प्राप्त पुरस्कारले नेवा परम्परा, संस्कृति, कला, साहित्यको संरक्षण र प्रवर्द्धनमा लाग्न थप उर्जा र प्रेरणा प्राप्त भएको प्रतिकृया दिनु भएको छ ।