वि.सं.२०१९ सालमा स्थापित ६ दशक इतिहास बोकेको ऐतिहासिक, भाषिक र साहित्यिक संस्था मध्यपुर थिमिको जेष्ठ सामाजिक संस्थाका समेतको रुपमा रहेको न्ह्यज्या खल: को नंया अध्यक्षमा दामोदर श्रेष्ठ चुनिनु भएको छ । ।
शुक्रबार सम्पन्न खलको अधिवेशनबाट उपाध्यक्षमा सूर्यभक्त श्रेष्ठ, सचिवमा जगतबहादुर श्रेष्ठ, उपसचिवमा सरोज श्रेष्ठ, कोषाध्यक्षमा लक्ष्मीशोभा श्रेष्ठ सर्वसम्मत निर्वाचित भएका छन भने सदस्यहरुमा सुरेन्द्र किलंन श्रेष्ठ, ईश्वरलाल श्रेष्ठ, राजेन्द्र श्रेष्ठ, ईश्वरी श्रेष्ठ चयन भएका थिए ।
संस्थापक अध्यक्ष क्याप्टेन नारायणजी श्रेष्ठ रहेको मध्यपुर थिमि क्षेत्र र उपत्यकामा लामो समयदेखि साहित्यिक, सांस्कृतिक क्षेत्रमा उल्लेख्य योगदान गर्दै आएको न्ह्यज्या: खल:ले मध्यपुर थिमिकै पहिलो २०२० सालमा ‘सगँ’ नामक नेपालभाषाको पत्रिकाका प्रकाशन गरेको थियो । त्यसै गरी २४ अंकभन्दा बढी ‘नौलो कोसेली’ प्रकाशन गरी नेपाली साहित्यमा योगदान पुर्याएको ईतिहास छ ।
संस्थाले बिभिन्न समयमा विचार गोष्ठी, नृत्य प्रतियोगिता तथा रक्तदानलगायत सामाजिक कार्यहरुमा पनि योगदान दिंदै आएको छ २०३७ सालदेखि २०७१ सालसम्म प्रत्येक वर्ष विविध जनसांस्कृतिक कार्यक्रम सञ्चालन गरी जनतालई जनतालाई शिक्षित एवम सुसुचित बनाउने कार्य गदै आएको छ
