ललितपुर को मंगलबजार स्थित डबलिमा बुधबार राति देखि यस बर्षको कार्तिक नाच सुरु भएको छ । राजा सिद्धि नरसिहको पालामा सुरुमा८ दिन र श्री निवास मल्लको पालामा १५ दिन सम्म देखाईने गरीएको कार्तिक नाच अन्तरगत पहिलो दिन श्रीकृष्ण सुदामाको नाच प्रस्तुत गरीएको छ । गत बर्ष कोरोना महामारिका कारण औपचारीक रूपमा दुई दिन मात्रै देखाईएको कार्तिक नाच यस बर्ष भने आठै दिने देखाईने भएको छ । यस नाच संचालन गर्न ललितपुरका राजोपाध्याय, प्रधान, श्रेष्ठ, मल्ल, जोशी र अमात्य थरका व्यक्तिहरू सक्रिय रुपमा सहभागी हुने गरेका छन ।
