असोज –१४-मध्यपुर थिमि नगरपालिकाको सहकार्यमा तेस्रो एपिक नेपाल म्युजिक अवार्ड मध्यपुर थिमिमा हुने भएको छ । यसै सन्दर्भमा थप जानकारी दिनका लागि अवार्ड सेरेमोनी आयोजक पक्षले मध्यपुर थिमिको सिद्धिकालि मन्दिर प्राङगणमा मिति २०७८-६-१५ गते बृहत पत्रकार समेलन तथा चियापान कार्यक्रमको आयोजना गर्दैछ । करिब ४० भन्दा बढी सञ्चार संस्थाहरुको उपस्थितिमा उक्त पत्रकार सम्मेलन हुन लागेको आयोजक पक्षका कृष्ण लाल साहुखलले बताउनु भएको छ । मध्यपुर थिमिमा पछिल्लो समय संस्कृतिक धरोहरहरू धमाधम पुननिर्माण हुन थाले संगै कार्यक्रम आयोजक हरुको रोजाई बन्दै गएको छ मध्यपुर थिमि नगरपालिका । यहि क्रममा हुन लागेको राष्ट्रिय स्तरको एपिक अवार्ड २०७८ लाई लिएर नगरबासी हरु माझ उत्साह छाएको छ । असोज १५ गते सिद्धिकाली मन्दीर प्राङगणमा हुन गईरहेको उक्त पत्रकार सम्मेलन तथा चियापान कार्यक्रम बिहान ११ बजे बाट शुरू हुने जनाईएको छ ।
