बिद्यालय बाट घर फर्किरहेका बालबालिकाहरूलाई खोलाले बगाउँदा मकवानपुर जिल्लाको राक्सिराङमा एकजनाको ज्यान गएको छ भने अरु दुई जना पौडिएर बाच्न सफल भएका छन । जिल्ला प्रहरी कार्यालय मकवानपुरका प्रबक्ता प्रहरी नायब उपरिक्षक जयश्वर रिमालका अनुशार देबीटार माध्यामिक बिद्यालय कक्षा ५ मा अध्यनरत छात्रा मतिनामाया थिङको मृत्यु भएको जनाईएको छ ।
खाजा खानका लागि बिघालय बाट दिउसो घर जाने क्रममा मंगलबार १ बजे उनीहरूलाई बगाएको जनाईएको छ । बगाएको खबर प्राप्त भएलगतै स्थानीयको सहयोगमा प्रहरीले खोजि कार्य गरेको थियो । बालिकाको शब प्रहरीले डेढ किलो मिटर भन्दा तल भेटाएको थियो ।
