भदौ – ७ – काठमान्डौ -अमेरिकी ब्राण्डको आरसी कोला नेपालमै ५० करोडको लागतमा उत्पादन थालिएको छ । मकवानपुरमा भेन्चुरा बोटलस प्रा लि ले अमेरीकामा लोकप्रिय रहेको चिसो पेयपदार्थ आरसि कोला उत्पादन गरेको हो।
कार्बोनेटेड ड्रिङ्कसको रुपमा कम्पनीले उत्पादन गरी सार्वजनिक गरेको हो।
आर सी क्यू , माईती रेन , लेमन लाईम , आर सी क्यू अरेन्ज , जियर अप , जी पावर , कार्बोनेटेड वाटर र वाटटर आदी ब्राण्डका फ्लेभरहरु बजारमा लिएर आएको हो।
कम्पनीले जनाए अनुशार यी ड्रिङ्कसहरू देशैभरी खुद्रा तथा कोल्डस्टोरहरुमा उपलब्ध हुने छ ।
नेपालमै उत्पादन गरिने भनिएको यस ड्रिङको सम्पूर्ण कच्चा पदार्थ हरु जर्जियाको कोलम्बलबाट आयात गरी नेपाली पानीको सम्रिश्रणमा नेपालमै उत्पादन गरिने कम्पनीले जनाएको छ।
सन १९०५ मा अमेरिकामा उत्पादन शुरू भएको आरसि काला हाल विश्वका ६७ देशहरुमा उत्पादन हुन्छ।
