श्रावण ३१- मध्यपुर थिमि नगरपालिका. वडा नं. १ लोकन्थली रमाईलो चोकमा रहेको तिलकप्रसाद गौतमको साढे दुई तल्ले घरको कम्पाउण्डमा रहेको फलामे गेट अचानक पल्टदा एक जना बालिकाको मृत्यु भएको छ। घटना सोमबार घटेको हो ।
उक्त दुर्घटनामा सोही घरमा पाहुना आएकी नुवाकोट बिदुर नगरपालिका वडा नं. ८ घर भई हाल भक्तपुर बोडे बस्ने गौतम अर्यालको छोरी वर्ष ५ की श्रीसिजा अर्यालको मृत्यु भएको हो।
महानगरीय प्रहरी परिसर भक्तपुरले दिएको जानकारी अनुसार गेटको ढोकाले किच्दा बालिका गम्भीर घाइते भएकी थिइन्। तत्काल उपचारको लागि बालिकालाई मध्यपुर अस्पताल लगेकोमा उपचारको क्रममा साँंझ मृत्यु भएको परिसका सूचना अधिकृत राजु पाण्डेले जनाए। घटनास्थलमा अनुसन्धान अधिकृत सहितको प्रहरी टोली खटिई गई प्रारम्भिक अनुसन्धान कार्य गरी थप अनुसन्धान कार्य भइरहेको बताईएको छ ।
