काठमाडौँ : नेपाली फुटबल टोलीले आइतबार (आज ) भारत संगको दोस्रो मैत्रीपूर्ण खेल खेल्दै छ । माल्दिभ्समा आयोजना हुने साफ च्याम्पियनसिपको तयारीका रहेको नेपालले भारतसँग पहिलो मैत्रीपूर्ण खेल बिहिबार खेलिसकेको छ। आज भने नेपालले घरेलु मैदान त्रिपुरेश्वरस्थित दशरथ रंगशालामा दोस्रो खेल खेल्न लागेको हो ।
पहिलो मैत्रीपूर्ण खेलमा नेपाल र भारतले १-१गोलको बराबरी खेल खेलेका थिए । दुई टोली बीचको खेल आज साँझ साढे ५ बजेबाट सुरु हुने छ। आज हुने खेलमा पनि प्रशिक्षक अलमुताइरिले केही नयाँ अनुहारलाई अवसर दिन सक्ने बताइएको छ । साफ च्याम्पियनसिप आगामी असोज १५ देखि ३० गतेसम्म माल्पिल्समा आयोजना हुने तालिका रहेको छ ।
भारतसँगको मैत्रीपूर्ण खेलपछि नेपाली राष्ट्रिय फुटबल टोली साफको तयारीका लागि कतार जाने बताइएको छ ।
