भाद्र २४ – मध्यपुर थिमिमा पानीको जार बोकेको गाडी दुर्घटना भएको छ ।मध्यपुर थिमि नपा ४ स्थित लावाडोलको धारा नजिक पानीको जार बोकेको गाडी दुर्घटना भएको हो ।
प्रत्यक्षदर्शीका अनुशार दुर्घटना करिब पौने चार बजेतिर भएको बताईएको छ। तीब्र गतिमा हुँइकिएको पानीको जार बोकेको प्रदेश नं. ३ ०२३ च ८०५४ नम्बरको सो गाडी सडकमा पल्टेको छ । पानीका जारहरु यततत्र छरिएका छन् ।स्थानीयका अनुसार गाडी दुर्घटना हुँदा गाडीका चालक र त्यसमा आएका अर्काे एक जना गरी दुईजना घाइते भएका छन् । उनीहरुको परिचय खुलेको छैन ।
घाईतेहरुको नेपाल कोरियामैत्री अस्पताल लगिएको स्थानीयले बताए । सो घटनाबारे थप जानकारी आउन बाँकी छ ।
