काठ्मान्डौको माइतीघरमा मोटरसाइकल दुर्घटना हुँदा एक जनाको मृत्यु भएको छ ।
बाग्मती प्रदेश ०२, ०२४ प ६७७१ नम्बरको मोटरसाइकल आज (शुक्रबार) बिहान २ बजेतिर दुर्घटनामा परेको हो । उक्त मोटर सिंहदरबारबाट बबरमहलतर्फ जाँदै गर्दा आफैँ अनियन्त्रित भई दुर्घटनामा परेको प्रहरीले जनाएको छ ।
सो क्रममा मोटरसाइकलको पछाडि बसेका काभ्रेपलाञ्चोकका २१ वर्षीय युवक रोमन मल्लिकारको मृत्यु भएको महानगरीय प्रहरी वृत्त सिंहदरबार प्रहरीको भनाइ छ । उनको उपचारका क्रममा माइतीघरमै रहेको अन्नपूर्ण न्युरो अस्पतालमा निधन भएको हो ।
मोटरसाइकलका चालक र मोटरसाइकल अहिले प्रहरीको नियन्त्रणमा छ । उनीमाथि थप अनुसन्धान भइरहेको जनाइएको छ ।
