मध्यपुर डायरी – कलाकार सुलेमान शंकर एकपटक फेरी दर्शक माझ आउने भएका छन । आफ्नो बास्तबिक नाम भन्दा बढी इकु नामले बढी चिनिने सुलेमान शंकर एस पाली चलचित्र र टेलिचलचित्रमा नभई यूट्यूब इकुपिटाङ सिरिजको मार्फत दर्शक माझ आउन लागेका हुन ।
पहिलो पटक हास्य टेलिचलचित्र मेरी बास्सै मार्फत आएर दर्शकको मन जितेको पात्र ईकु पात्र ठूलो पर्दाको चलचित्रको रूपमा, टेलिचलचित्र हल्का रमाईलोको केही भागहरूमा पनि आईसकेको थियो । तर यसपटक भने सबैभन्दा सानो पर्दा अर्थात मोबाईल र कम्प्युटरमा पनि हेर्न मिल्ने गरी प्रत्येक शनिबार प्रशारण हुने गरी युट्यवु च्यानल मार्फत दर्शक समक्ष आउन लागेको हो । आफु इकुको भूमिकामा दर्शककै माग र चाहनामा फेरी आउन लागेको कलाकार सुलेमान शंकरले बताएका छन ।
सिरियलमा श्याम राई, ज्याक गुरुङ, उत्तम केसी, राजु कमेडी, अमृता खनाल, आरती लामा, सचिन शर्मा, गणेश इशारा, मनिष खड्का, माया थामी, सिमरन मट्ट, सरोज ढकाल, मिलन शंकर, बालकलाकार कुसल लोहनी, दीपक थापामगर, सुमन मगर लगायतको अभिनय देख्न सकिने बताईएको छ ।
युट्युबमा सुलेमानको आफ्नै च्यानल “इकुईकु “मार्फत मनोरन्जन दिन पाउँदा आफू निक्कै खुशि भएको बताएका छन । सिरिजको नाम इकुपिटाङ रहेको छ।
