शुक्रबार नारायण हिटी दरबार संग्रालयमा शिशाको बाकस भित्र राखिएको श्रीपेच चोर्ने प्रयाश गरेको अवस्था रुकुमका २५ बर्षिय युवा खिम बहादुर घर्तीलाई प्रहरीले पक्राउ गरेको छ । रुकुमको मुसीकोट नगरपालिका ११ का घर्ती हाल काठमाण्डौ म्हेपी बस्दै आएको बताईएको छ ।
शिसाको शोकेस फुटाएर श्रीपेच चोर्न लागेको अवस्थामा उन्लाई नजिकै ड्यूटी गर्दै गरेका सुरक्षाकर्मीले समातेको र प्रहरी समक्ष हस्तान्तरण गरेको हो।
संग्रालयको रुपन्देही कक्षमा रहेको तीन फिट लम्बाई र दुई फिट चौडाई भएको कांचको शोकेस रुपन्देदी कक्षकै खुकुरी निकालेर फुटाउन खोजेका थिए ।
रुपन्देही कक्षमा पूर्व राजाहरूले लगाएका श्रीपेच र प्रयोग गर्ने खुकुरीहरू राखिएको छ । घर्तीलाई ती सुरक्षाकर्मीले नियन्त्रणमा लिई दरबार मार्ग प्रहरी ब्रत्तमा बुझाएका थिए ।
प्रहरीले दिएको जानकारी अनुशार घर्तीको थप अनुसन्धान भई रहेको छ भने निजको मानसिक अवस्था बारे पनि थप अनुसन्धान भईरहेको बताईएको छ ।
