भदौ १५ -चितवनको पतिहानीमा एक अर्ब रुपैयाको लगानीमा पटिहानी रिसोर्ट सञ्चालन हुने भएको छ। भरतपुर नगरपालिका अन्तरगत राप्ति नदीको तटिय क्षेत्रमा यो रिसोर्ट अत्याधुनिक सुविधा सहीत सञ्चालनमा आउन लागेको हो। हाल सम्म ७५ % लगानी भईसकेको र सम्पूर्ण काम सकुन्जेल सम्ममा १ अर्ब लगानी हुने रिसोर्टका प्रबन्ध निर्देशक रिसि न्यौपानेले जनाउनु भएको छ ।
रिसोर्टमा सातवटा भिल्ला निर्माण गरिएको छ जुन सार्क स्तरिय राष्ट्रप्रमुख सम्म बस्न मिल्ने गरी बनाइएको बताईएको छ । सात मिल्ला मध्ये दुईवटामा स्वीमीङ पुल समेत रहेका छन ।
रिसोर्टमा ५२ अधिक कोठाहरू र बिभिन्न क्षमताका हलहरू रहेका छन भने ५०० जनाले एकैपटक बसेर खाना खान मिल्ने रेस्टुरेण्ट समेट रहेका छन ।
बिदेशी पाहुनाहरू लक्षित गरी निर्माण गरिएको सो रिसोर्टमा नजिकैको सामूदायिक बनमा सफारी गर्न हात्ती सफारीको ब्यबस्था गरीएको छ ।
