नेपालको प्रतिष्ठित सञ्चार समूह हिमालय टेलिभिजन नेटवर्क अन्तर्गतको खेलकुद च्यानल ‘हिमालय स्पोर्ट्स’ को प्रमुख कार्यकारी अधिकृतमा सुरज गिरी नियुक्त भएका छन् ।
हिमालय टेलिभिजन नेटवर्क लिमिटेडको सञ्चालक समिति बैठकले गिरीलाई प्रमुख कार्यकारी अधिकृतमा
सन् २०२० पछि गिरीले खेलकुद र मनोरञ्जन क्षेत्रको व्यावसायिक पक्षमा आफूलाई केन्द्रित गरेका छन् । उनले ‘कन्टेन्ट डेभलपमेन्ट’, ‘राइट्स एक्विजिसन’ र ‘स्पोन्सरसिप मोनिटाइजेसन’ मा महत्वपूर्ण भूमिका निर्वाह गर्दै आएका छन् ।
हिमालय टेलिभिजनसँगको उनको सहकार्य विशेषगरी ऐतिहासिक फिफा विश्वकप २०२२ को सफल प्रसारणबाट सुरू भएको थियो । नेपालमा पहिलो पटक सफल रूपमा कार्यान्वयन गरिएको ‘पे-पर-भ्यु’ मोडलमा उनले प्रायोजक व्यवस्थापनको नेतृत्वदायी भूमिका खेलेका थिए ।
नवनियुक्त सीईओ गिरीले भने, “हिमालय स्पोर्ट्सको माध्यमबाट हामी नेपालमा एउटा पूर्णकालीन स्पोर्ट्स इकोसिस्टम निर्माण गर्ने लक्ष्यमा छौँ । विश्वस्तरीय खेलकुद सामग्रीलाई स्थानीय स्वाद र प्रविधिसँग जोडेर नेपाली दर्शकमाझ पुर्याउनु हाम्रो मुख्य उद्देश्य रहनेछ ।”
गिरीलाई हिमालय टेलिभिजन नेटवर्कका अध्यक्ष धर्मराज भुसाल र कार्यकारी निर्देशक श्याम कँडेलले बैशाख ४ गते एक कार्यक्रमका बिच टेलिभिजनमा स्वागत गरेका थिए ।
हिमालय टेलिभिजनले नेपाली खेलकुदको व्यावसायिक प्रवर्द्धन र अन्तर्राष्ट्रिय खेलहरूको गुणस्तरीय प्रसारणमा नयाँ उचाइ लिने विश्वास लिइएको छ ।
