कार्तिक -२३-मध्यपुर थिमि नगरपालिका वडा न ८ को महालक्ष्मी परिसर सुधार को लागि बुधबार उपभोक्ता समिति गठन गरीएको छ । बुधबार वडा ८ का अध्यक्ष रमेश थापा श्रेष्ठको अध्यक्षतामा बसेको बैठकले स्थानीय तथा समाजसेवी सुरेश खम्बु श्रेष्ठको अध्यक्षतामा उपभोक्ता समिति गठन गरीएको हो । महालक्ष्मी परिसर शिर्षक अन्तरगत यस बर्ष गणेश मन्दिर पुणनिर्माण तथा नासःद्यो अर्थात नृत्य नाथ मन्दिर पुननिर्माण गरीने नवगठित उपभोक्ता समितिका अध्यक्ष सुरेश खम्बु श्रेष्ठले बताउनु भयो ।
महालक्ष्मी परिसर सुधारका लागि नगरपालिका बाट ३० लाख रुपैया छुट्याएको वडा ८ का वडा सदस्य सुरेन्द्र श्रेष्ठले बताउनु भयो । सुरेश खम्बुको अध्यक्षतामा गठित उपभोक्ता समितिमा रोनिश द्यो उपाध्यक्ष, आशा जिम्मा कोषाध्यक्ष, मधुशा तुक्षें सचिब , सनम बुढा सदस्य, सुमन खम्बु सदस्य र हरि द्यो सदस्य रहेका छन ।
