चैत्र -१२ मध्यपुर थिमि ६ स्थित उपकार बचत तथा ऋण सहकारी संस्था लिमिटेड र प्राध्यापक संघ, सानोठिमी ईकाई समितिको संयुक्त आयोजनामा शुक्रबार ११ गते २८ औं स्थापना दिवश तथा शहकारी दिवशको अवशरमा सानोठिमीमा रक्तदान कार्यक्रम आयोजना गरीएको छ ।
उक्त रक्तदान कार्यक्रममा कुल २८ जना रक्तदाताहरुले रक्तदान गरेको जनाईएको छ । उपकार साकोसका अध्यक्ष कान्छाभक्त घजुले उदघाटन गरी सुरु गरीएको उक्त रक्तदान कार्यक्रममा रक्तदाताहरुलाई कदरपत्र समेत प्रदान गरिएको थियो । मध्यपुर थिमि क्षेत्रको अगुवा सहकारीको रूपमा रहेको उपकार साकोसले बिगतमा पनि बिभिन्न सामाजिक क्षेत्रहरूमा उत्तरदायित्व बहन गदै आएको छ ।
