फेसबुक संस्थापक मार्क जुकरबर्ग संसारका सर्वाधिक धनीहरुको १० फोर्ब्स सूचीबाट बाहिरिएका छन् ।
पछिल्लो समय फेसबुकको माउ कम्पनी मेटाको स्टक बजारमा निरन्तर गिरावटसँगै उनी १० औं स्थान बाट ओर्लिएर १३ औं स्थानमा झरेका हुन । फोर्ब्सले जुकरवर्गको सम्पत्तिमा कमी आएर ८०.३ बिलियन डलर कायम भएको पनि जनाएको छ ।
यसैसाता फेसबुकका सक्रिय प्रयोगकर्ता घटेको सूचना सार्वजनिक भएसँगै मेटाको स्टक बजारमा गिरावट आएको बताईएको छ ।
तस्तै गरी बिश्वको दोस्रो सर्वाधिक धनी अमेजन मालिक जेफ बेजोस पनि तेस्रो स्थानमा झरेका छन् । बर्नाड आर्नल्ट र उनको परिवार धनीको दोस्रो सूचीमा प्रवेश गरेको छ ।
बिल गेट्स चौंथो, ल्यारी पेज पाँचौ, वारेन बफेट छैटौं, सर्जी ब्रिन सातौं, ल्यारी एलिसन आठौं, स्टिभ बाल्मर नवौं र मुकेश अम्बानी दशौं स्थानमा छन् । मुकेशको सम्पत्ति ९०.३ बिलियन डलर रहेको जनाइको छ ।
