कार्तिक –८ दक्षिण कोरियाले ईरानलाई १० लाख डोज ऐष्ट्रोजेन खोप सहयोग स्वरूप प्रदान गर्ने भएको छ । दक्षिण कोरियाको बिदेश मन्त्रालयले दिएको जानकारी अनुशार कोभिड खोप अभावमा खेप्नुपर्ने मानवीय समस्यालाई ध्यानमा राखेर सहयोग गरिएको जनाएको छ।
दक्षिण कोरियाको पूर्ण खोप दर कूल जनसंख्या को ७० प्रतिशत नाघेपछि अन्य देशलाई गर्ने खोप सहयोग कार्यलाई तीव्रता दिएको छ ।उक्त सहयोगबाट छ दशक लामो द्विदेशीय सम्बन्ध थप सुमधुर हुने दक्षिण कोरियाले अपेक्षा गरेको छ। दक्षिण कोरियाले यस महिनाको शुरुमा भियतनामका लागि एस्ट्राजेनेका खोपको ११ लाख डोज र थाइल्याण्डका लागि ४ लाख ७० हजार खोपहरू उपलब्ध गराएको थियो।
