नेपाली ब्राण्डको जुत्ता Gold star ले अमेरिकी बजारमा प्रवेश गरेको छ । अर्भिङ टेक्सासमा आधिकारिक बिक्रेता नियुक्त गरी गोल्डस्टार जुत्ताको बिक्रि शुरू गरेको किरण सुज म्यानुफ्याकचरले बताएको छ ।
न्युयोर्कमा आयोजित कार्यक्रममा किरण सुज म्यानुफ्याक्चर्सका अध्यक्ष आमिरप्रताप जबराले गोल्डस्टार जुत्ता अमेरिकाको निर्दिष्ट स्थानहरूबाट उपलब्ध हुने घोषणा गरेका थिए । “हाम्रो अनुभवको तीन दशकको समयमा दुई महाद्वीपहरू पार गरी हामी अब संयुक्तराज्य अमेरिकामा आइपुगेका छौँ । यो सबैभन्दा गर्वको कुरा हो र हामी अमेरिकामा पनि आकर्षक जुत्ताहरू ल्याउने कुरामा प्रतिबद्ध छौँ,” उनले भने ।
गोल्डस्टार जुत्ता धेरै टिकाउ, किफायती, सहज र आकर्षक जुत्ताका रूपमा नेपाली उपभोक्ताले लिँदै आएको पनि उनले बताए ।
