श्रावण -२८-मध्यपुर थिमि स्थित लायकु दरबार बाट यस बर्ष निकालिएको भैरब नाच अर्थात भैल प्याख : उपराष्ट्रपति नन्द बहादुर पुनः द्वारा अवलोकन गर्नु भएको छ । बेलुकी 9 बजे लायकु दरबार बाट निक्लिएको नाच बालकुमारी मन्दिर प्राङ्गण पुगे पश्चात उपराष्द्रपति द्वारा नाच अबलोकन गर्नु भएको थियो । सयौं बर्ष पुरानो ऐतिहासिक भैल प्याखं हेर्न प्रमुख जिल्ला अधिकारी रुद्रा देबी शर्मा, प्रदेश सांसद राजेन्द्र मान श्रेष्ठ, अनिता प्रजापति,मध्यपुर थिमि नगरपालिका प्रमुख सुरेन्द्र श्रेष्ठ , उपप्रमुख बिजय कृष्ण श्रेष्ठ, बिभिन्न वडाका वडा अध्यक्षहरू लगायत अन्य बिशिष्ट व्यक्ति हरुको समेत उपस्थिति रहेको थियो । मध्यपुर थिमि नगरपालिकाको निमन्त्रणामा अहिले सम्मकै उच्च पदस्थ विशिष्ट व्यक्तिद्वारा नाच अवलोकन गरीएको भने पहिलो पटक हो । बिगत ४० बर्ष देखि सन्चालन हुन नसकेको भैरब नाच निर्वाचित जनप्रतिनीधिले नगरपालिका सम्हाले पश्चात स्थानियको पहलमा पुन सञ्चालनमा आएको हो । तर बिगत २ बर्ष भने बिश्वव्यापि कोरोना महामारीका कारण स्थगन गरीएको थियो । भैल प्याखं नचाईएमा देशमा भुतप्रेतले दुखः नदिने र शान्ति हुने आदि हुने स्थानियको बिश्वास छ ।
भैलः प्याखं संगै आजै बाट सुरु भएको ऐतिहासिक महाकाली नाच पनि उप राष्ट्रपति द्वारा अवलोकन गर्ने कार्यक्रम तय गरिएको भएतापनि प्रतिकुल मौसमका कारण स्थगन गर्न परेको बताईएको छ । गाईजात्राको भोलिपल्ट बाट चार रात नचाईने यस नाचमा दुई भैरब, दुई डांगीं, र एक ज्यापुंग सहित ५ जनाको देबगण टोली यस्मा समावेश हुन्छ । यस्मा धां बाजा, मुहाली, भुस्या , पोङगा, ता : लगायतका बाजाहरूको प्रयोग गरीन्छ भने रातको समयमा मध्यपुर थिमिको बालकुमारी देखि चपाचो : सम्मका बिभिन्न स्थानहरूमा यस्को प्रदर्शन गर्ने गरीन्छ । जात्रामा हजारौं भक्तालु तथा स्थानीय बासिको उत्साहजनक सहभागीता रहने गर्छ ।
