शनिवार भक्तपुरको सिद्ध पोखरीमा डुबेर एक जनाको मृत्यु भएको छ।भक्तपुर नगरपालिका वडा नं. १ दूधपाटीस्थित सिद्धपोखरीमा शनिबार डुबेर एक जनाको मृत्यु भएको महानगरीय प्रहरी परिसर भक्तपुरले जनाएको छ।
मृत्यु हुनेमा चाँगुनारायण नगरपालिका वडा नं. ३ झौखेलका २७ वर्षे राजेश सुलु रहेको प्रहरी परिसर भक्तपुरका निमित्त सूचना अधिकारी लोकबहादुर जिसीले बताए।
शनिबार साँझ पौने पाँच बजे पोखरीमा डुबेको भन्ने जानकारी पाएलगत्तै उद्धारका लागि प्रहरी पुगेको थियो। उद्धारपछि भक्तपुर अस्पताल लगिएकोमा उपचारको क्रममा उनको मृत्यु भएको प्रहरीले जनाएको छ।
