जारी मध्यपुर लिग अन्तर वडा फुटबल प्रतियोगिताको १४ औं नम्बरको खेलमा वडा न ७ ले वडा न ४ लाई ३ गोलका बिरुद्ध 0 गोलले पराजित गरेको छ । मंगलबार सम्पन्न भएको दोस्रो खेलमा उपाधि दाबेदार समेत मानिएको वडा न ७ द्वारा जित हासिल गरेको हो । वडा न ४ द्वारा खेलको पहिलो सुरुवातमै आकर्षक मौका गुमाउनु परेको थियो भने खेलको पहिलो तेस्रो मिनेटमै वडा न ७ का जर्शी न २३ का फरवार्ड सफल प्रजापतिले पहिलो गोल गरी वडा ७ लाई पहिलो गोलको स्वाद चखाएका थिए । दोस्रो गोल वडा ४ का जर्शी न १३ का डिकेश श्रेष्ठले ६५ औ मिनेटमा आत्माघाटि गोल गरेपश्चात वडा ७ लाई थप फाइदा पुग्यो । खेलको अन्तिम समयमा अतिरिक्त थपिएको ३ मिनेट भित्र वडा न ७ का जर्शी न ७ का फरवार्ड रितेश रत्न छुजुले थप एक गोल गरे संगै वडा न ७ द्वारा वडा ४ लाई 0 का बिरुद्ध ३ गोलले पराजित गदै बिजयी भएको हो । खेलमा वडा ७ का जर्शी न ९ का फरवार्ड रोहन खड्गीले पहेलो कार्ड पाए भने वडा ७ कै जर्शी न ८ का सुयश खडगीले पनि पहेलो कार्ड पाएका छन । त्यस्तै वडा न ४ का जर्शी न १९ का फरवार्ड सन्दिप श्रेष्ठले पनि खेल को ६७ औ मिनेटमा पहेलो कार्ड पाएका छन । बिगतको तुलनामा निक्कै नै उत्कृष्त खेल प्रदर्शन गरेको वडा ४ ले खेलमा वडा ७ लाई चुनौति दिएको थियो भने वडा ४ ले पनि थुप्रै शान्दार अवशरहरू गुमाएको थियो । खेलको उत्कृष्ट खेलाडी अर्थात म्यान अफ द म्याच वडा ७ का जर्शी न ७ का फरवार्ड क्षितिज रत्न छुंजु घोषित भएका छन । वडा ४ का गोलकिपर सुबिन श्रेष्ठ घाईते भई अस्पताल पुर्याउनु परेको थियो । वडा न ७ ले पाएको पेनाल्टिको मौकालाई वडा न ७ का जर्शी न ९ का रोहन खडगीले गरेको प्रहार वडा ४ का गोलकिपर सुबिन श्रेष्ठले उत्कृष्ट बचाउ गरेका थिए ।
