भदौ – २१ नेवा खल : कास्की, पोखरा द्वारा मध्यपुर थिमिका नेवाःभाषा, कला , साहीत्य र संस्कृतिका जानुकार गणेश राम लाछि लाई सम्मान गरेको छ । बिशेष गरी नेवाः कला संस्कृतिको देश तथा बिदेशमा प्रबर्दन गदै आउनु भएका लाछी मंगलबार पोखरामा उहाँको नेवाः भाषा र कला संस्कृति संरक्षणका लागि नेवाः खलः कास्की द्वारा सम्मानित गरीएको हो ।
कार्यक्रममा बोल्नु हुँदै नेवाः खल : कास्कीका अध्यक्ष अशोक पालिखेले पोखरामा नेवार समुदायले भोग्नु परेका बिभिन्न समस्या हरू मध्ये तिथि मितिको समस्या मुख्य समस्या रहेको बताउनुभयो । तिथिलाई लिएर चाडपर्व मनाउन समय समयमा अलमलिनु परेको र एकरूपता नहुदा समस्या हुने गरेको बारेमा सांस्कृतिक धरोहर गणेश राम लाछि मार्फत काठमान्डौमा सम्बन्धित निकाय समक्ष पुर्याउन अनुरोध गर्नु भएको थियो ।
सम्मानित व्यक्तित्व गणेश राम लाछीले आफू जिवन पर्यन्त नेवाः भाषा ,कला साहित्य र संस्कृतिको संरक्षणमा लागि पर्ने बताउनु भयो ।
